مکہ سمیت نو علاقوں میں تین دن بارش کا امکان

 مکہ سمیت نو علاقوں میں تین دن بارش کا امکان 

Newswarningtv & News live       مکہ سمیت نو علاقوں میں تین دن بارش کا امکان 

سعودی عرب میں موسمیات کے قومی مرکز نے کہا ہے کہ جمعرات 14 جنوری سے سنیچر 16 جنوری تک مملکت کے نو علاقوں میں گرج چمک کے ساتھ بارش کا امکان ہے۔ 

بارش سے نمٹنے کے لیے ہنگامی اقدامات 

مکہ ریجن اور جازان سمیت کئی علاقوں میں بارش 

عاجل ویب سائٹ کے مطابق موسمیات کے مرکز نے ٹوئٹر پر بیان میں کہا کہ جمعرات سے سنیچر تک مکہ مکرمہ، حدود شمالیہ، الجوف، مدینہ منورہ، حائل، قصیم، ریاض، تبوک اور الشرقیہ کے علاقوں میں کہیں بوندا باندی اور کہیں درمیانے درجے کی بارش ہوگی- 

موسمیات کے مرکز کا کہنا ہے کہ جمعرات کی شام سے پیر تک سعودی عرب کے بیشتر علاقوں میں درجہ حرارت کم ہو جائے گا۔ 

موسمیات کے قومی مرکز نے امکان ظاہر کیا ہے کہ جمعرات کو حدود شمالیہ، الجوف، حائل اور مدینہ منورہ میں گرد آلود ہوائیں چلیں گی اور اس کے بعد گرج چمک کے ساتھ بارش ہوگی۔ تبوک میں برفباری بعید از امکان نہیں۔ 

موسمیات کے قومی مرکز کا کہنا ہے کہ جمعرات کو سب سے زیادہ درجہ حرارت (33 سینٹی گریڈ ) قنفذہ میں ہوگا جبکہ سب سے کم درجہ حرارت(ایک سینٹی گریڈ) وادی الدواسر اور شرورۃ میں رہنے کا امکان ہے۔